ಗಟ ಗಟ ಗಟ ಗಟ ಗಟ ......
ನನ್ನ ಮಗಳು ಹಾಲು ಕುಡಿಯುವುದಕ್ಕೆ ಅಳುತಿದ್ದಾಗ, ಅವಳನ್ನು ಹೇಗಾದರು ರಂಜಿಸಿ, ಮನವೊಲಿಸಿ, ಹಾಲು ಕುಡಿಸಬೇಕೆಂದು ಯೋಚಿಸುತ್ತಿರುವಾಗ, ಆಶುಕವಿತೆಯಾಗಿ ಈ ಸಣ್ಣ ಪದ್ಯಯೊಂದು ಮೂಡಿತು. ಪದ್ಯದ ಜೊತೆಗೆ ಅದನ್ನು ಹೇಗೆ ಹಾಡಬೇಕೆಂಬು ನನ್ನ ಅಸಹಾಯಕತೆಯ ಕತ್ತಲೆಯಲ್ಲಿ , ಮಿಂಚಿನಂತೆ ಹೊಳೆಯಿತು. ನಿಂತಲ್ಲೇ ಪದ್ಯವನ್ನೂ ರಚಿಸಿ, ನಟಿಸಿ ನರ್ತಿಸಿಯೂ ಬಿಟ್ಟೆ.
ಇಲ್ಲಿ ಪದ್ಯದ ಅರ್ಥವು ವಿಶೇಷವಾಗಿರದಿದ್ದರು, ಆವೇಶಭರಿತ ಯಕ್ಷಗಾನ ಪಾತ್ರವೊಂದರಂತೆ ಇದನ್ನು ಹಾಡಿದಾಗ, ನನ್ನ ಮಗಳಿಗೆ ವಿಶೇಷವಾಗಿ, ಆಕರ್ಷಣೀಯವಾಗಿ, ಮನೋರಂಜಕವಾಗಿ ಕಂಡಿತು. ಅದನ್ನ ನೋಡಿದ್ದೇ ತಡ ಯಾವ ತೊಡಕಿಲ್ಲದೇ ಸಲೀಸಾಗಿ ಹಾಲು ಅವಳ ಗಂಟಲೊಳಗೆ ಇಳಿಯತೊಡಗಿತು. ಲೋಟ ಎರೆಡೇ ನಿಮಿಷದಲ್ಲಿ ಖಾಲಿಯಾಯಿತು.
ಗಟ ಗಟ ಗಟ ಗಟ ಗಟ ಗಟ ಗಟ ಗಟ
ಗಟ ಗಟ ಗಟ ಗಟ ಗಟ ಗಟ ಗಟ ಗಟ
ಗಟಗಟವೆಂದಾಲು ಕುಡಿಯುವೆ,
ಹೊಟ್ಟೆಯ ಒಳಗೆ ಹಾಲು ಹೋಯಿತು,
ಮೂಳೆಯ ಒಳಗೆ ಹಾಳು ಸೇರಿತು.
ಗಟ ಗಟ ಗಟ ಗಟ ಗಟ ಗಟ ಗಟ ಗಟ
ಗಟ ಗಟ ಗಟ ಗಟ ಗಟ ಗಟ ಗಟ ಗಟ
ತಲೆಯ ಒಳಗೆ ಹಾಲು ಸೇರಿತು,
ಎದೆಯ ಒಳಗೆ ಹಾಲು ಸೇರಿತು,
ನನಗೆ ತುಂಬ ಶಕ್ತಿ ಬಂದಿತು.
ಗಟ ಗಟ ಗಟ ಗಟ ಗಟ ಗಟ ಗಟ ಗಟ
ಗಟ ಗಟ ಗಟ ಗಟ ಗಟ ಗಟ ಗಟ ಗಟ
ಕಣ್ಣಿಗೆ ಈಗ ಹಾಲು ಸೇರಿತು,
ಕಿವಿಗೆ ಕೂಡ ಹಾಲು ಸೇರಿತು,
ಮೈಯ್ಯೊಳಗೆಲ್ಲ ಶಕ್ತಿ ತುಂಬಿತು
ಗಟ ಗಟ ಗಟ ಗಟ ಗಟ ಗಟ ಗಟ ಗಟ
ಗಟ ಗಟ ಗಟ ಗಟ ಗಟ ಗಟ ಗಟ ಗಟ
"ಗಟ ಗಟ ಗಟ ಗಟ" ಎಂದು ಹಾಡುವಾಗ, ಶಿವತಾಂಡವ ನೃತ್ಯದಂತೆ ನಮ್ಮ ಹಾವಭಾವಗಳು ಅತ್ಯಾವೇಶದ ತುತ್ತತುದಿಯನ್ನು ಮುಟ್ಟಿರಬೇಕು. ಕಣ್ಣುಗಳು ಅರಳಿಸಿ ಕೈಗಳು ಅದುರುತ್ತಿರಬೇಕು.
ಮೂಳೆ, ಎದೆ, ಕಣ್ಣು, ಕಿವಿ, ಮೈಯ್ಯಿ ಈ ಪದಗಳನ್ನು ಉಚ್ಚರಿಸುವಾಗ, ಆ ಬಾಗಗಳನ್ನೆಲ್ಲ ಮುಟ್ಟಿ ಹಾಲು ಅಲ್ಲಿಗೆಲ್ಲಾ ಹರಿಯುತ್ತಿದೆ ಎಂಬುದಾಗಿಯು, ನಮಗೆ ಅದರಿಂದ ಶಕ್ತಿ ಬರಲು ಶುರುವಾಗಿದೆ ಎಂಬುದಾಗಿಯು, ಮಗುವಿನ ಅರಿವಿಗೆ ನಾಟುವಂತೆ ನಟಿಸಿ ತೋರಿಸಬೇಕು.
ಇದು ನಾನು ಕಂಡುಕೊಂಡ ಪದ್ಯದಾರಿ :-) ಎಲ್ಲರಿಗೂ ಒಪ್ಪುವುದೋ ಬಿಡುವುದೋ ನಾ ಕಾಣೆ. ಆದರೆ ಇದರಿಂದ ಉತ್ತೇಜನಗೊಂಡು, ಅಪ್ಪ ಅಮ್ಮಂದಿರು, ತಾತ ಅಜ್ಜಿಯರು ಬೇರೆ ರೀತಿಯ ಕ್ರಿಯಾಶೀಲತೆಯನ್ನು ಉಪಯೋಗಿಸಿ, ಮಕ್ಕಳ ಮುಂದೆ ಒಂದು ರೀತಿಯ ಭ್ರಮಾಲೋಕವನ್ನೆ ಸೃಷ್ಟಿಸಿದರೂ ಸರಿ. ಇಲ್ಲಿ ಮುಖ್ಯವಾದುದು ಮಗು ಆಳದೆ ಹಾಲು ಕುಡಿಯಬೇಕಾದದ್ದು, ಆಥವ ಊಟ ತಿನ್ನಬೇಕಾದದ್ದು. ಅದೊಂದೇ ಗಣ್ಯ ..ಮಿಕ್ಕೆಲ್ಲಾ ವಿಶ್ವಘಟನೆಗಳು ನಮಗೆ ನಗಣ್ಯ !!!
No comments:
Post a Comment