**ಸೃಷ್ಟಿ**

A little poem for the angel from heaven.....
Also see the pictures of her 3rd month birthday........
Click on Srushti

**ಸೃಷ್ಟಿ**

ಸೃಷ್ಟಿಕರ್ತನ ಮೇರು "ಸೃಷ್ಟಿ"ಯಾಗಿ
ಜನ್ಮವಿತ್ತಳೆನ್ನ ಮುದ್ದು ಮಗಳು
ಆಗಸದ ಬಿಂದುರಾಶಿಯೊಡಲಿಂದ ಜಾರಿ
ಸೇರಿದಳೆನ್ನ ಮುಗಿಲ ಮಡಿಲು
*******
ಶ್ರಾವಣದ ಷಷ್ಠಿಯಲಿ "ಭವ್ಯ"ಲತೆ ಗರ್ಭದಲಿ
ಅರಳಿತು ಈ ನವ್ಯ ಕುಸುಮ ಕಂದ
ತುಮುಲ ತುಡಿತ ಕಾತುರಾದಿಗಳನು ನೀಗಿಸಿ
ಮನಕೆ ತಂದಿರ್ಪಳು ಪರಮಾನಂದ
*********
ಅತ್ತಾಗ ರವಿ ಮೊಗವು, ನಕ್ಕಾಗ ಶಶಿ ಮೊಗವು,
ಇವಳ ಮೊಗಮುಗಿಲು ಕಂಡ ಬಣ್ಣ
ನೈದಿಲೆಯ ಸೊಬಗು, ತಾವರೆಯ ಬೆಂಬೆಡಗು
ನಾಚಿದೆ, ಕಂಡಿವಳ ಚೆಲುವಿನ ತೀಕ್ಷ್ಣ
*********
ಸೌಂದರ್ಯದ ಸಿರಿಮುಡಿಗೆ ನಗು-ಮಲ್ಲಿಗೆಮಾಲೆ,
ಸಂಭ್ರಮದಿ ಸಡಗರದಿ ಕಟ್ಟಳಿವಳು
ನಮ್ಮ ಬಾಳ ಹೆಬ್ಬಾಗಿಲು ನಳನಳಿಸಿದೆ
ಧರಿಸಿ ಸಂತಸದ ತಳಿರು ತೋರಣಗಳು
*********
ಈ ಹೊನ್ನ ನಿಧಿ ಬಳಿಯಿರಲು, ಸ್ವರ್ಗಸಾಗರದಿ ನಾ ಮುಳುಗಿರಲು
ಉನ್ಮಾದದೀಜುತಿಹೆನು ಭಾವಾನಂದದಿಂದ
ಭಕ್ತಿಯಿಂದರ್ಪಿಪೆನು ಕೋಟಿನಮನಗಳ ಮಾಲೆ,
ಮುಟ್ಟಿ ಆ ಪರಬೊಮ್ಮನ ಪಾದಾರವಿಂದ

* ಚಂದ್ರಹಾಸ